Индонезия ҳукумати хорижий инвесторларни жалб қилиш учун янги “олтин виза”ни тасдиқлади. Бу ҳақда маҳаллий ОАВ мамлакат Инсон ҳуқуқлари вазирлигига таяниб хабар бермоқда.

Агентлик маълумотларига кўра, бундай виза эгалари мамлакатда беш йилдан ўн йилгача яшаши мумкин бўлади.

Ушбу чора билан ҳукумат миллий иқтисодиётни рағбатлантиришни режалаштирмоқда.

5 йил муддатга виза олиш учун якка тартибдаги инвесторлар 2,5 миллион долларлик компания яратиши керак.

10 йил учун инвесторлардан 5 миллион доллар сармоя талаб қилинади.

Корпоратив инвесторлар беш йиллик виза олиш учун 25 миллион доллар сармоя киритишлари керак. 10 йиллик виза уларга 50 миллион долларга тушади.

Бугунги кунда Қўшма Штатлар, Ирландия, Янги Зеландия ва Испания каби мамлакатларда олтин визалар мавжуд.

• Indoneziya
• Олтин
• Виза