Исроил махсус кучлари “Ҳизбуллоҳ” ҳаракатининг денгиз кучлари қўмондонларидан бири Имад Амхазни асирга олди. Бу ҳақда “Ахиос” портали журналисти Барак Равид Исроил расмийлари вакилига таяниб хабар берди.

“Кеча Исроил ҳарбий - денгиз кучларининг махсус кучларининг бир қисми Шимолий Ливандаги операцияда “Ҳизбуллоҳ” денгиз кучларининг юқори мартабали аъзоси Имад Амхазни қўлга олди. У сўроқ қилиш ва “Ҳизбуллоҳ”нинг денгиз операциялари ҳақидаги янги маълумотларни аниқлаш учун ҳибсга олинганини айтилди”, - дейди журналист.

Шу билан бирга, Ливан жамоат ишлари ва транспорт вазири Али Ҳамие маҳаллий оммавий ахборот воситаларига Исроил махсус кучлари денгиз транспорти институтида таҳсил олаётган фуқаролик кемаси капитанини қўлга олганини айтди.

• Isroil
• Livan