Исроил армияси 23 март куни Ғазо секторидаги Ал-Шифо касалхонаси ҳудудида ташкил этган ҳужумлар оқибатида 170 киши ҳалок бўлган. Бу ҳақда “Анадолу” нашри хабар берди.
Исроил расмийлари билдиришича, Исроил мудофаа кучлари ва Шин Бет хавфсизлик отрядлари тинч аҳоли, беморлар, тиббий гуруҳлар ва тиббий асбоб-ускуналарга зарар етказмаган ҳолда ҳудудда мақсадли жанглар олиб бормоқда.

Араб нашрлари тарқатган маълумотлар эса кун давомида шифохона атрофида камида 170 нафар фаластинлик ўлдирилганини тасдиқлаган. Бундан ташқари, Исроил аскарлари 800 дан ортиқ тинч аҳоли вакилларини ҳибсга олган.

Ғарб мамлакатларининг кескин қоралашига қарамай, Исроил раҳбарияти Ал-Шифо касалхонасидаги рейд давом этишини маълум қилган. Тел-Авив расмийлари бу баёнотларини ҳудудда террорчилар яширингани ҳақидаги далиллари борлиги билан асослаган.

• Isroil
• armiya