Исроил ва ХАМАС ўртасидаги вақтинчалик сулҳ доирасида гаровга олинганларни озод қилиш жумагача кечиктирилди. Бу ҳақда Reuters хабар берди.
Нашр маълумотларига кўра, келишув ХАМАС ва музокараларда воситачи Қатар томонидан имзоланмагани учун 24 соатлик кечикиш содир бўлган.
Исроил бош вазири матбуот хизмати ўртада айрим ноаниқликлар борлиги учун сулҳ жума кунига қадар кечикиши мумкинлигини маълум қилган.
Кейингa сурилган сулҳнинг бошқа сабаблари борми? Исроил матбуотига кўра, келишув доирасида ХАМАС озод этилишини режалаштираётган асирларнинг рўйхатини тақдим этиши керак бўлган аммо расмийлар ҳозирча рўхйхатни олмаган.
Бир кун аввал Исроил ҳукумати Ғазо секторида гаровга олинган аёллар ва болаларни озод қилиш бўйича ХАМАС билан келишувга овоз бергани хабар қилинган эди. Битим жанговар ҳаракатларда тўрт кунлик танаффус эвазига 50 нафар аёл ва болани озод қилишни назарда тутган.
Reuters хабарига кўра, ХАМАС шу кунгача тўрт нафар асирни озод қилган: АҚШ фуқароси 59 ёшли Жудит Раанан, унинг қизи 17 ёшли Натали Раанан, шунингдек, исроиллик 79 ёшли Нурит Купер ва 85 ёшли Ёчевед Лифшиц.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!