Ливан жанубидаги Ҳула аҳоли пунктидаги Исроил дронларининг уйга ҳужуми натижасида икки киши ҳалок бўлди “Исроил дронлари Ливан жанубидаги Ҳула аҳоли пунктидаги уйга бошқариладиган ракеталар билан зарба берди. Отишма икки кишининг ўлимига олиб келди”, – дея хабар беради рус нашрлари.

Исроил-Ливан чегарасидаги вазият 2023 йил октябрь ойида Ғазо секторида Исроилнинг ҳарбий ҳаракатлари бошланганидан кейин кескинлашди. Исроил армияси ва Ливан Ҳизбуллоҳ ҳаракати жангчилари ҳар куни чегара бўйлаб бир-бирларининг позицияларини ўққа тутмоқда.

Ливан ТИВ маълумотларига кўра, Исроил томонидан ўқ отиш натижасида 100 мингга яқин одам Ливан жанубидаги уйларини тарк этишга мажбур бўлган. Исроил томони худди шундай вазиятга тушиб қолган 80 мингга яқин Шимолий Исроил аҳолиси ҳақида хабар беради.

• Isroil
• Livan
• Отишма
• Уруш