Истанбулда қаровсиз қолган 3 нафар ўзбекистонлик бола ватанга қайтарилди. Хориждаги ватандошларимизга ижтимоий-ҳуқуқий ёрдам кўрсатиш тадбирлари доирасида Туркияда ота-онасининг қаровисиз қолиб кетган вояга етмаган болалар ватанимизга қайтарилишига эришилди. Бу ҳақда Истанбул Бош консулхонаси хабар берди.

Турли сабаблар туфайли ота-онасининг қармоғидан маҳрум бўлган 16 ёшли ва 6 ёшли 2 нафар қизлар ва 11 ёшли 1 нафар ўғил бола яқин қариндошларининг мурожаатлари асосида Истанбул шаҳридаги Бош консулхона, Ўзбекистон Республикаси Ички ишлар ва Соғлиқни сақлаш вазирликлари ҳамкорлигида амалга оширилган чора-тадбирлар натижасида жорий йил 2 октябрь куни масъул ходимларнинг кузатуви остида Тошкент шаҳрига юборилган.

“Шу ўринда, ота-оналардан вояга етмаган фарзандларини хорижий давлатларда назоратсиз қолдирмаслик, бефарқ бўлмаган фуқароларимиздан эса чет элда қаровсиз қолиб кетган болажонлар тўғрисида зудлик билан Ўзбекистон Республикасининг хорижий дипломатик ваколатхоналарига хабар бериш сўралади”, – дейилади консулхона хабарида.

• Истанбул
• Konsullik