Жамоат транспорти хизматлари сифатини ошириш мақсадида Бухоро вилоятига янги автобуслар харид қилинди.

“Progress Mega Trans” корхонаси томонидан йўловчи ташиш фаолиятини янада самарали ташкил этиш мақсадида Хитойнинг “Zhongtong Bus Holding Co., Ltd.” компанияси билан 24 та замонавий автобус харид қилиш бўйича шартнома имзоланган эди. Ушбу автобуслар Бухорога етиб келди.

Шунингдек, “Miramax Tourist Trans” МЧЖ томонидан 1 дона “Kinglong” компаниясида ишлаб чиқарилган автобус олиб келинган. (Яна шу компаниядан 19 та автобус харид қилиш режалаштирилган.)

Бугун ушбу транспорт воситаларини фойдаланишга топшириш маросими бўлиб ўтади.

Янги автобуслар Бухоро шаҳрида жамоат транспорти тизимини модернизация қилиш, аҳолига қулай ва сифатли хизмат кўрсатишни таъминлашга хизмат қилади.

• Автобус
• Бухоро