Шанбадан якшанбага ўтар кечаси Измирда кучли ёмғир ва бўронлар содир бўлди. Кучли ёмғирдан кейин денгизнинг тўлиб кетиши натижасида йўллар сув остида қолган. Фуқаролар сувга ботиб қолган автомашиналарини қутқариш учун ҳаракат қилишди, дейди Туркиянинг ТРТ хабар нашри.

Шаҳарда кун бўйи давом этган ёмғир кечаси ўз таъсирини кучайтирган. Бўрон бошланиши билан Мавишеҳир ва Каршияка, Аксой туманига туташ денгизнинг қирғоқларида тошқин юзага келган.

Измир Метрополитан муниципалитетининг ўт ўчириш экипажлари ер ости қувур каналларини очиб тошқиннинг олдини олишга урунишган. Ҳозирча бу тошқиндан жабрланганлар ҳақида маълумот берилмаган.

• Табиий офат
• Туркия