$
12758.36 UZS
-19.76
163.34 UZS
-0.67
14820.11 UZS
-111.12
38° Кечаси 24°

Жаҳонгир Улуғмуродовга берилган жазо енгиллаштирилди

18:56 / 28.07.2023

Бугун Олий суднинг Жиноят ишлари бўйича судлов ҳайъати кассация инстанциясида Ж. Улуғмуродов (2002 йилда Тошкент шаҳрида туғилган)га нисбатан чиқарилган жиноят ишлари бўйича Оққўрғон туман судининг 2023 йил 8 майдаги ҳукми ва Тошкент вилоят суди жиноят ишлари бўйича судлов ҳайъати апелляция инстанциясининг 2023 йил 17 июлдаги ажрими устидан адвокат А. Абдуллаев томонидан берилган кассация шикояти кўриб чиқилди.

Суд мажлисида қайд этилганидек, қуйи судлар Ж.Улуғмуродовга оид жиноят иши тафсилотларини тўғри аниқлаб, унинг айблилиги ҳақида асосли хулосага келган.

Ж.Улуғмуродовнинг суд ҳукмида кўрсатилган жиноятни содир этганликдаги айби дастлабки тергов ва биринчи инстанция судида гувоҳларнинг биринчи инстанция суди мажлисида, мутахассисларнинг апелляция инстанциясида берган кўрсатмалари, билдирги, баённомалар, фотожадваллар, тушунтириш хатлари, судга оид диншунослик ва адабиётшунослик экспертизаларининг хулосалари ҳамда иш бўйича тўпланган бошқа ишончли ва мақбул далиллар йиғиндиси билан ўз исботини топган.

Биринчи инстанция суди Ж.Улуғмуродовнинг жиноий ҳаракатларини Жиноят кодексининг 244-1-моддаси (жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш) 3-қисми “г” банди билан тўғри квалификация қилиб, унга нисбатан жазо тайинлашда ёшлиги, талаба эканлиги, муқаддам судланмагани, ўқиш жойидан ижобий тавсифлангани, оилавий шароити, қилмишидан чин кўнгилдан пушаймонлигини жазони енгиллаштирувчи ҳолатлар сифатида асослаган бўлса-да, иш ҳолатларига, унинг содир этган жиноий қилмиши, ўзининг шахси ва содир этилган ижтимоий қилмишга нисбатан кейинги муносабатларига етарлича эътибор қаратмасдан, Ж.Улуғмуродовни жамиятдан ажратмаган ҳолда ахлоқан тузатиш мумкин эмас, деб озодликдан маҳрум қилиш билан боғлиқ жазо тайинлаган.

Жиноят-процессуал кодексининг 509-9-моддаси (кассация инстанцияси судининг ваколатлари)да кассация инстанцияси суди жиноят ишини кўриб чиқишда биринчи инстанция судининг ҳукмини ва апелляция инстанцияси ажримини ўзгартириш тўғрисида ажрим қабул қилишга ҳақли эканлиги белгилаб қўйилган.

Шу сабабли кассация судлов ҳайъати, иш бўйича Ж.Улуғмуродовга нисбатан чиқарилган суд қарорларини ўзгартириб, унинг ёшлиги, талаба эканлиги, муқаддам судланмагани, ўқиш жойидан ижобий тавсифлангани, оилавий шароити, қилмишидан пушаймонлиги, шунингдек жиноят содир этгандан кейинги хулқ-атвори каби ҳолатларни эътиборга олди.

Шу тариқа Олий суд Жиноят ишлари бўйича судлов ҳайъати кассация инстанциясининг 2023 йил 28 июлдаги ажримига мувофиқ Ж.Улуғмуродовга нисбатан чиқарилган суд қарорлари ўзгартирилиб, унга Жиноят кодексининг 244-1-моддаси 3-қисми “г” банди билан ушбу Кодекснинг 57-моддаси (енгилроқ жазо тайинлаш) ни қўллаган ҳолда 3 йил муддатга озодликни чеклаш жазоси тайинланди.

Ж.Улуғмуродовнинг 2023 йил 24 февралдан 2023 йил 28 июлга қадар қамоқда сақланган 5 ой 4 кун Жиноят кодексининг 62-моддаси (ушлаб туриш, қамоққа олиш ёки уй қамоғи вақтини ҳисобга олиш қоидалари)га асосан чегирилиб, ўташ учун 2 йил 6 ой 26 кун озодликни чеклаш жазоси қолдирилиши белгиланди.

Ж.Улуғмуродовга озодликни чеклаш жазосини яшаш жойи бўйича ўташ белгиланиб, соат 22:00 дан соат 06:00 га қадар яшаш жойидан чиқиш тақиқланди.


Ж. Улуғмуродовга Жиноят кодексининг 48-1-моддаси (озодликни чеклаш) 5, 6-қисмлари талаблари тушунтирилиб, судланган Ж.Улуғмуродов дарҳол жазони ижро этиш жойларида қамоқдан озод қилиниши белгиланди.

Адвокат А.Абдуллаевнинг ҳимояси остидаги Ж. Улуғмуродовни оқлаш ҳақидаги шикояти қаноатлантирилмасдан қолдирилди.


Бу ҳам қизиқ

Россияда муҳожирларнинг пул ўтказмаларига чеклов киритиш таклиф қилинди

Россияда муҳожирларнинг пул ўтказмаларига чеклов киритиш таклиф қилинди

Расмийлар меҳнат муҳожирлари учун давлат божини ошириш ва кенгайтириш масаласини ҳам муҳокама қилмоқда.
10:22 / 16.07.2025
Франция ҳукуматининг иқтисодий прогнози: 2030 йилга келиб Европада катта уруш бошланади

Франция ҳукуматининг иқтисодий прогнози: 2030 йилга келиб Европада катта уруш бошланади

Бу урушдан энг кўп айнан французлар жабр кўриши тахмин қилинмоқда
22:06 / 15.07.2025
Тошкентда табиий газдан ноқонуний фойдаланган фуқаро тизимга 2,7 млрд сўм зарар етказди

Тошкентда табиий газдан ноқонуний фойдаланган фуқаро тизимга 2,7 млрд сўм зарар етказди

У хонадонида консерва маҳсулотларини тайёрлаш билан шуғулланган.
16:07 / 15.07.2025
Сурхондарёда 23 бош илон табиатга қайтарилди

Сурхондарёда 23 бош илон табиатга қайтарилди

6 бош Ўрта Осиё кобраси ва 17 бош шарқ бўғма илони фуқаролар томонидан ноқонуний сақлаб келинаётган бўлган.
17:49 / 15.07.2025
Аи-80 бензини рекорд даражада қимматлади

Аи-80 бензини рекорд даражада қимматлади

Мазкур маркадаги бензин нархи қарийб 44% га қимматлаган
22:53 / 16.07.2025
Россия Украинанинг учта шаҳрига ҳужум қилди

Россия Украинанинг учта шаҳрига ҳужум қилди

Маълумотларга кўра, етти нафар жабрланганлардан беш нафарига куйиш ташхиси қўйилган.
11:59 / 16.07.2025
Ғафур Ғулом ва Ойбек уй-музейларида мукаммал таъмирлаш ишлари олиб борилади

Ғафур Ғулом ва Ойбек уй-музейларида мукаммал таъмирлаш ишлари олиб борилади

Ушбу қарор экспертлар кенгашининг навбатдаги йиғилишида қабул қилинди
22:36 / 15.07.2025
17 июль куни кутилаётган об-ҳаво маълумоти

17 июль куни кутилаётган об-ҳаво маълумоти

Кечаси 22-24 даража илиқ, кундузи 38-40 даража иссиқ бўлади
22:36 / 16.07.2025
Доналд Трамп Россия - Украина уруши борасида ўз фикрларини билдирди

Доналд Трамп Россия - Украина уруши борасида ўз фикрларини билдирди

Сиёсатчининг фикрига кўра, бу урушда барибир имкониятлар нотенг бўлиб қолмоқда
19:54 / 15.07.2025
Ўзбекистон туризми испан О.А.В. лари нигоҳида

Ўзбекистон туризми испан О.А.В. лари нигоҳида

Испаниядаги медиа нашрлар Ўзбекистонда сайёҳлик va туризм борасида ўзгаришлар бўлаётганини қайд этди
19:33 / 15.07.2025

Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!

Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!