Жанубий Кореяда ҳалокатга учраган Jeju Air самолётининг двигателларида қушларнинг пати топилган, бу ҳалокат қушлар билан тўқнашув орқали юз берганлигини кўрсатиши мумкин.

“29 декабрь куни Муан аэропортида ҳалокатга учраган Жанубий Кореянинг Jeju Air авиакомпанияси самолётининг ҳар икки двигателида қушларнинг патлари топилган”, – деб хабар бермоқда ТАСС.

Мутахассисларнинг фикрига кўра, тўқнашув натижасида двигателлар ишламай қолган, бу эса самолёт электр таъминотидаги носозликни келтириб чиқарган бўлиши мумкин. Махсус қўмита текширув пайтида патларни топган ва уларни таҳлил қилиш учун биологик институтга юборган.

Аввалроқ, Жанубий Кореяда ҳалокатга учраган Jeju Air самолётининг қора қутилари ҳалокатдан тўрт дақиқа олдин ёзиб олишни тўхтатганлиги ҳақида хабар берилган эди, бу эса фожиа сабабларини текширишни қийинлаштирган.

Маълумот учун, ушбу авиаҳалокатда 179 йўловчи ҳалок бўлган.

• Авиаҳалокат
• Janubiy Koreya