Жанубий Судан ҳукумати душанбадан бошлаб барча мактабларни ёпади, чунки мамлакат икки ҳафта давом этиши кутилаётган жазирама тўлқинига тайёргарлик кўрмоқда, деб ёзади “Закон.кз”.

Соғлиқни сақлаш ва таълим вазирлиги ота-оналарга барча болаларни уйда сақлашни тавсия қилди — мамлакатда ҳаво ҳарорати Цельсий бўйича 45 даражагача кўтарилади, деб ёзади “Associated Press”.

Улар бу даврда очилган ҳар қандай мактаб рўйхатдан ўтишини йўқотиши ҳақида огоҳлантирган. Бироқ департамент мактаблар қанча вақт ёпиқ қолишига аниқлик киритмаган.

Вазирлик “вазиятни кузатишда давом этишини ва тегишли равишда жамоатчиликни хабардор қилишни” маълум қилган.

Жаҳон озиқ-овқат дастури ўзининг сўнгги мамлакат профилида зўравонлик, иқтисодий беқарорлик, иқлим ўзгариши ва қўшни Судандаги можаролардан қочган одамлар оқими туфайли Жанубий Судан “қўрқинчли гуманитар инқирозга дуч келишда давом этаётганини” айтди.

• Jazirama
• Мактаб
• Судан