Ижтимоий тармоқларда Зомин туманида аёл фарзандлари кўз ўнгида калтакланиб зўрлангани ҳақида хабар тарқалди. Жиззах ИИБ ҳолатга муносабат билдирди.

Қайд этилишича, Жиззах вилояти Зомин тумани “Пешағор” ҚФЙда яшовчи уй бекаси, 2 нафар фарзанднинг онаси Б.З. туман ИИБга мурожаат қилган.

Ушбу мурожаатда келтирилишича, жорий йилнинг 24 июль куни соат 02:45 ларда аёлнинг яшаш уйига туманнинг “Ёшлик” маҳалласида истиқомат қилувчи Д.А. ҳамда унинг маҳалладоши А.А. ётоқхона деразаси орқали киришган. Уни қўрқитиб, юзларига бир неча маротаба уришган.

Кейин, аёлни болаларининг олдида мажбурлаб, зўрлаб номусига тегишган. Мурожаатчи шу сабабли уларга қонуний чора кўришни сўраган.

Хабарга кўра, ҳолат юзасидан Зомин тумани ИИБ ҳузуридаги тергов бўлими томонидан Д.А. ва А.А.ларга нисбатан Ўзбекистон Республикаси жиноят кодексининг 118- моддаси 2- қисми “в, г” бандлари билан жиноят иши қўзғатилиб, эҳтиёт чораси сифатида қамоққа олинган.

• Жиноят
• Жиззах
• Муносабат