Бу ҳафта оддий кўз билан кўриш мумкин бўлган ноёб яшил комета Ерга энг яқин масофадан учиб ўтади. Бу ҳақда NASA махсус блогида маълум қилинди.

NASA компанияси маълумотларига кўра, 1 февраль чоршанбадан пайшанбага ўтар кечаси “C/2022 E3 (ZTF)” номли ноёб яшил комета Ерга яқинлашади. У сайёрамизга 42 миллион километр масофагача яқинлашади. Жануб ярим шари аҳолиси агар ўша тунда осмон мусаффо бўлса, объектни оддий кўз билан кўра олади. Шимолий кенгликларда эса 1 февраль куни тонгда осмон жисми қисман пайдо бўлади.

Хабар қилинишича, бу кометанинг бизга томон иккинчи “ташрифи” бўлади. У неандерталлар даврида – 50 минг йил олдин Ер яқинидан учиб ўтган. NASA маълумотларига кўра, кейинги сафар худди шундай ҳодиса юз бериши учун миллионлаб йиллар ўтиб кетади.

Комета биринчи марта астрономлар томонидан 2022 йил март ойида кўрилган. Кейин у Юпитер атрофидаги орбита томон ҳаракатланган. Ўшандан бери бу самовий жисм анча ёрқинроқ кузатилган.

“Кометалар олдиндан айтиб бўлмайдиган даражада машҳур, аммо агар “C/2022 E3 (ZTF)” ўзининг ҳозирги ёрқинлигини сақлаб турса, уни дурбин билан кўриш осон бўлиши керак. Шунингдек зулматда, ҳатто оддий кўз билан ҳам уни кузатиш мумкин ”, – дейилади NASA блогида.

“Star Walk 2” ва “Sky Tonight” каби юлдузларни томоша қилиш иловалари ёрдамида уни қаердан туриб кузатиш имконияти мавжудлигини билиб олса бўлади. Шунингдек, “theskylive.com” ва “astro.vanbuitenen.nl” каби веб-сайтлар космосдаги кометаларнинг ҳолатини кузатувчи ва кўрсатадиган сайтлар ҳам фойдалидир. Аммо бу ерда керакли маълумотларни олдиндан излаши керак.

Агар сиз ўзингиз астрономияни яхши билсангиз, унда 1 февралдан 2 февралга ўтар кечаси яшил комета учиб ўтадиган Жирафа юлдуз туркумини томоша қилишни унутманг, чунки фазо сирли воқеликларга тўла.

• Astronomiya
• Kometa
• НАСА