Адлия вазирлиги томонидан “Конституцияга саёҳат” интерактив китоби ҳамда ҳуқуқий мультфильмлар тақдимоти ўтказилди.

Тадбирда ёшларнинг ҳуқуқий саводхонлигини ошириш, уларни Конституцияга ҳурмат руҳида тарбиялашга хизмат қилувчи интерактив китоб ва 40 серияли мультфильм лойиҳаси ҳақида маълумот берилди. Мазкур лойиҳа доирасида Конституция илк бор болалар учун содда тилга ўгирилиб, ҳар бир модда қизиқарли қаҳрамонлар тилидан тушунтирилди.

Тадбирда Адлия вазирлиги, Мактабгача таълим ва мактаб таълими вазирлиги, “Адолат” миллий ҳуқуқий ахборот маркази, Конрад Аденауэр фондининг Марказий Осиёдаги ваколатхонаси масъуллари, оммавий ахборот воситалари вакиллари ва жамоатчилик фаоллари иштирок этди.

Шунингдек, “Конституцияга саёҳат” интерактив китобининг 1000 нусхаси келгусида дарс жараёнларида фойдаланиш учун Мактабгача таълим ва мактаб таълими вазирлигига топширилди.

• Адлия
• Конституция