Жорий йил якунига қадар Ўзбекистонда умумий қуввати 2910,6 МВт бўлган 7 та электр станция (1 та ИEС, 1 та шамол, 3 та қуёш ва 2 та ГEС) ишга туширилиши (ягона электр тармоғига уланиши) режалаштирилган.

Хусусан:

Сирдарё вилоятининг Ширин шаҳри ва Боёвут туманлари ҳудудида қуввати 1500 МВт бўлган замонавий иссиқлик электр станцияси;

Навоий вилоятининг Томди туманида қуввати 500 МВт бўлган шамол электр станцияси;

Сурхондарё вилоятининг Шеробод туманида қуввати 457 МВт бўлган қуёш фотоэлектр станцияси;

Самарқанд вилоятининг Каттақўрғон туманида қуввати 220 МВт бўлган қуёш фотоэлектр станцияси.

Шунингдек, Жиззах вилоятининг Ғаллаорол туманида қуввати 220 МВт бўлган қуёш фотоэлектр станциялари ишга туширилиши (ягона электр тармоғига уланиши) режалаштирилган.

Маълум қилинишича, ушбу электр станциялар хорижий компаниялар томонидан 100 фоиз тўғридан-тўғри инвестициялар ҳисобига амалга оширилмоқда.

Самарқанд вилоятида эса умумий қуввати 13,6 МВт бўлган 2 та гидроэлектр станция ишга туширилади. Шунингдек, Тўпаланг ГEС модернизация қилинади ва унинг қуввати амалдаги 30 МВтдан 175 МВтга (+145) оширилади.

Қайд этилишича, 2022 йилда умумий қуввати 1 474 МВт бўлган 7 та янги электр станция ишга туширилган.

• Elektr stansiya
• Энергетика_вазирлиги