Жаҳон соғлиқни сақлаш ташкилоти COVID-19'нинг XBB.1.16 субвариантини ўз кузатув рўйхатига қўшди. Ташкилотнинг фавқулодда вазиятлар бўйича директори Майкл Раяннинг фикрича, бунга инфекциянинг янада кенг тарқалиш эҳтимоли сабаб бўлган.

Дастлабки ўрганишларга кўра, янги мутацияга хос белгилар аввалги субвариантлар аломатлари билан бир хил. Ҳозир у мавжуд версияларнинг 4,2 фоизини ташкил қилмоқда. Ваҳоланки, бир ой аввал бу кўрсаткич бор-йўғи 0,5 фоизга тенг эди.

«Ушбу вариант дунё бўйлаб кенг тарқалишда давом этиши мумкин. Бу эса касалланиш кўрсаткичлари ошишига сабаб бўлади. Шунга қарамай, ҳозирча янги вариантнинг оғир кечиши кузатилгани йўқ», — дейди М. Раян.

• COVID-19
• ЖССТ
• Омикрон