Тошкент вилоятида катта миқдорда психотроп дори воситаларини олиб кетаётган йўловчи аниқланди. Бу ҳақда ИИВ Жамоат хавфсизлиги Департаменти Йўл ҳаракати хавфсизлиги хизмати хабар берди.

Қайд этилишича, жорий йилнинг 4 декабрь куни Тошкент вилояти,Оҳангарон туманида хизмат олиб бораётган ЙПХ ҳамда ППХ ходимлари томонидан “Cобалт” русумли автомобил тўхтатилган.

Шундан сўнг, автомобил холис ва гувоҳлар иштирокида текширилган. Бунинг натижасида йўловчи, 1978 йилда туғилган А.Б.нинг сумкасидан 240 дона “Тропикамид” ва 2 800 дона “Регапен” номли психотроп дори воситалари топилган.

Ҳолат тегишли тартибда расмийлаштирилиб, фуқаро А.Б. ва психотроп дори воситалари Оҳангарон туман ИИБга топширилган.

• Ohangaron
• Psixatrop