Маълум бўлишича, Қозоғистонда мессенжерларнинг маҳаллий аналогларини ишлаб чиқиш бошланган. Бу ҳақда Рақамли ривожланиш, инновациялар ва аэрокосмик саноат вазири Жаслан Мадиев хабар берган.

Вазирдан WhatsApp ва Телеграм’нинг маҳаллий аналоги ишлаб чиқилиши эҳтимоли сўралганда:

“Сизни ишонтириб айтаманки, бугунги кунда стартаплар ҳамжамияти шу каби лойиҳалар устида ишламоқда. Уларни кузатиб, қўллаб-қувватламоқдамиз. Эртами-кечми, бунга гувоҳ бўламиз, деб ўйлайман. Муддатларни айтмайман, чунки эртага — шу санага қадар шу стартапга ваъда берган эдингиз, дейсиз. Лекин бу бозор. Биласизми, WhatsApp ва Telegram дастлабки ишга туширилган пайтлар улар зарарга ишлаган, бу жуда катта пул эди. Ҳаттоки ҳозир ҳам бу улар учун фойдали бизнеслиги ҳақида ишонч билан айта олмайман”, - деган у.

Шунингдек, вазир WhatsApp’да пул ишлаш учун ҳеч қандай реклама йўқлиги, Мессенжер эса бошқа маҳсулотлар томонидан субсидияланиши ҳақида гапирган.

Қолаверса, мессенжер яратиш зарарга кирувчи фаолиятлиги, лойиҳа дастурчилари бундан фойда олиш йўлларини топишига умид боғлашини маълум қилган.

• Инновация
• Қозоғистон