Жорий йилнинг 5–8 июнь кунлари Ўзбекистон ҳудудига Эрон ҳудудларидан иссиқ ҳаво кириб келади. Бунинг ҳисобига максимал ҳаво ҳарорати 42 даражагача кўтарилади. Бу ҳақда Гидрометеорология хизмати хабар берди.

Қайд этилишича, 5–6 июнда Қорақалпоғистон Республикаси, Хоразм вилоятида 40–41 даражагача, 6–8 июнда Бухоро, Навоий, Қашқадарё, Сурхондарё вилоятларида 40–42 даражагача, 5–8 июнда Тошкент, Самарқанд, Жиззах, Сирдарё вилоятларида 38–40 даражагача, 7–8 июнда Фарғона водийси вилоятларида 36–39 даражагача кўтарилади.

Шунингдек, 7–8 июнь кунлари шимолда, жанубда ва чўл ҳудудларида баъзи жойларда шамол тезлиги 15-20 м/с.гача кучайиши кутилмоқда, айрим жойларда чанг-тўзонлар билан кузатилади.

• Об-ҳаво
• Ўзгидромет
• аномал иссиқ