Ҳайдовчилар диққатига: Кичик ҳалқа йўлида (КҲАЙ) таъмирлаш ишларининг учинчи босқичи бошланмоқда.

Ҳурматли пойтахтимиз аҳолиси ва меҳмонлари!

Биз пойтахт йўлларини янада равон, сифатли ва хавфсиз қилиш йўлидаги ишларимизни давом эттирамиз. Чилонзор туманидаги йўл қопламасини таъмирлашнинг навбатдаги босқичи бошланишини маълум қиламиз.

Кичик ҳалқа автомобиль йўлининг бир томонида — Лутфий кўчаси билан кесишмадан Фарҳод кўчаси чорраҳасигача бўлган масофада ҳаракатланиш вақтинча чекланади.

Чеклов муддати:

2026 йил 3 апрель соат 23:00 дан 6 апрель соат 06:00 гача.

Ишлар давомида 23 ва 131-сонли автобус йўналишлари ҳаракатига ўзгартиришлар киритилади. Илтимос, расмда келтирилган айланиб ўтиш чизмаси билан танишиб чиқинг.

Тез орада Кичик ҳалқа йўлининг ушбу қисми юқори даражада равон бўлади! Биз дам олиш кунларидаги сокинликдан унумли фойдаланиб, душанба тонгида сизни равон ва сифатли йўл билан кутиб олишни мақсад қилганмиз.

“Келтирилган вақтинчалик ноқулайликлар учун узр сўраймиз ва тушунганингиз учун миннатдорчилик билдирамиз”, – дейилади хабарда.

• Avtotransport
• ta’mirlash