Россия президенти Владимир Путинга икки мамлакат ўртасидаги яхши қўшничилик ва биродарлик муносабатларини ривожлантиришдаги улкан хизматлари учун КХДРнинг энг юқори мукофоти Ким Ир Сен ордени топширилди, деб хабар беради Шимолий Корея радиоси.

Тақдимот маросими кеча, 19 июнь куни бўлиб ўтган. “Корея меҳнат партияси Марказий қўмитаси, Давлат Кенгаши ва КХДР Олий халқ Мажлиси Президиуми Ким Ир Сен КХДР олий орденини Россия Президенти Владимир Владимирович Путинга беришга қарор қилди”, – деб хабар беради радио.

Таъкидланишича, орден Путинга КХДР ва Россиянинг дўстлик ва биродарлик муносабатларини стратегик шериклик ва бузилмас иттифоқчилик муносабатларига кўтариш ва ривожлантиришдаги улкан хизматлари ва Корея-Россия дўстлигининг янги саҳифасини очгани учун топширилган.

• КХДР
• Kim Chen In
• Путин
• Россия