Россия Федерацияси Президентининг матбуот котиби Дмитрий Песков Арманистон бош вазири Никол Пашиняннинг мамлакат КХШТ дан чиқиб кетмоқчилиги ҳақидаги гапларига изоҳ берди.

Дмитрий Песков Арманистоннинг Коллектив хавфсизлик шартномаси ташкилотидаги иштироки истиқболлари ҳақида гапирар экан, Россия Федерацияси арман дўстлари, жумладан КХШТ билан мулоқотни давом эттиришини айтди.

"Арманистон бош вазирининг баёнотига келсак, у ҳолда, албатта, арман дўстларимиз билан мулоқотимизни давом эттирамиз. Улар билан КХШТ фаолиятида келгусида биргаликда иштирок этишимиз мавзусида гаплашамиз", - деди Песков.

Шунингдек, сиёсатчи Арманистон Бош вазири КХШТ кучига паст баҳо берганини таъкидлади.

"Умуман олганда, КХШТ аъзо давлатлар орасида ўз нуфузига эга ташкилотдир. Илгари турли вазиятларда ўз самарадорлигини кўрсатган ташкилот ва бизнинг нуқтаи назаримиздан, кейинги ривожланиш учун жиддий салоҳиятга эга ташкилот", — деди Песков.

• Арманистон
• КХШТ