Буюк Британиянинг собиқ бош вазири ва собиқ ташқи ишлар вазири Лиз Трасс учун Британия ҳукумати томонидан 12 минг фунт стерлинг (15 минг доллар) камомад ҳисоб-китоб қилинган. Ундан Чивнинг-хаус ҳукумат саройидан йўқолган шиппак, халат ва озиқ-овқат маҳсулотлари учун пул талаб қилинган.

“Daily Mail” ва “The Times” нашрлари хабарига кўра, Лиз Трасс Чивнинг-хаусдан ўзининг кечки зиёфатларига айланган яқин доиралари билан учрашувлар учун фойдаланган. Сарой ходимлари Британия ҳукуматига терри халат ва шиппак йўқолгани ҳақида хабар берган. Мамлакат ТИВ кодексига кўра, ташқи ишлар вазири Чивнинг-хаусдаги тадбирлар учун партия маблағлари ёки ўз ҳисобидан маблағ ажратиши керак.

Хабарларга кўра, Лиз Трасс қонун лойиҳасининг бир қисмига эътироз билдиришга ҳаракат қилмоқда. Трасс тўловнинг маълум миқдорини тўлашга, шунингдек, турар жой учун 120 фунт стерлингга янги халат сотиб олишга тайёр. У турар жойдан амалдорлар билан ишлаш учун фойдаланганини таъкидламоқда.

“Охирги қонун лойиҳасида унинг шахсий харажатлари ва давлат хизматчилари, шу жумладан, Саймон Кейс (Вазирлар маҳкамаси котиби) ва Чивнинг қишлоғида сайловларга тайёргарлик пайтида учрашган бошқа идораларнинг юқори мартабали амалдорлари ва расмий ҳукумат тадбирлари учун харажатлар аралашмаси мавжуд.

Лиз Трасс эса 2022 йил август ва сентябрь ойларида 2023 йил апрель ойида ўтказилган тадбирлар учун ҳисоб-фактура олганидан ҳайратда эканини билдирган.

Чивнинг-хаус 1981 йилда Буюк Британия ташқи ишлар вазирлари ихтиёрига топширилган.

2021 йилнинг сентябрида Лиз Трасс Буюк Британия ташқи ишлар вазири бўлди. 2022 йил 6 сентябрда эса мамлакат бош вазири этиб сайланиб, 25 октябрда истеъфога чиқди. Унинг бош вазирлик фаолияти Британия тарихидаги энг қисқа муддат бўлди. Бироқ у 70 йилдан сўнг илк бор қирол ва қиролича даврида Бош вазир бўлган илк сиёсатчига айланди.

Трасс эндиликда Британия жамоалар палатасининг аъзоси ҳисобланади.

• Бош вазир
• Буюк Британия
• Жарима