Буюк Британия Бош вазири Лиз Трасс Вазирлар Маҳкамаси раҳбарини истеъфога юбориш ҳақидаги чақириқлар фонида ўз лавозимини тарк этиш ниятида эмаслигини айтди.

“Мен қоламан, чунки мен бу мамлакат фаровонлиги учун ишлаш учун танланганман ва мен буни ният қилганман. Келгуси умумий сайловларда мен Консерватив партиянинг бошида бўламан ... Биз жуда кўп нарсаларни бошдан кечирмоқдамиз. Ҳозир қийин пайтлар ва биз керак бўлган ишни қилиш ўрнига, Консерватив партия ҳақида гапиришга вақт сарфлай олмаймиз. Бу менинг ҳамкасбларимга мурожаатим”,– дейди Трасс ББC билан суҳбатда.

Британия бош вазири “йўл қўйилган хатолар” учун жавобгарликни ўз зиммасига олади ва кечирим сўрамоқчи.

"Мен ҳақиқатан ҳам масъулиятни ўз зиммамга олишни ва йўл қўйган хатоларим учун узр сўрашни хоҳлайман. Мен одамларга энергия тўловлари, юқори солиқлар муаммоси билан шуғулланишда ёрдам беришни хоҳлардим, лекин биз жуда узоққа ва жуда тез кетдик, буни тан олдим", - дея қўшимча қилди Лиз Трасс.

Маълумот учун, Бош вазир бошчилигидаги Британия ҳукумати иқтисодни қўллаб-қувватлаш бўйича янги режа юзасидан кўплаб танқидларга учради ва ҳукумат уни амалга ошириш учун давлат қарзи ҳажмини оширишидан хавотирда. Режа парламентга собиқ молия вазири Квази Квартенг томонидан тақдим этилган ва солиқларни катта миқдорда камайтиришни назарда тутади. У эълон қилинганидан сўнг, Буюк Британиянинг беш йиллик давлат облигациялари бўйича даромадлилик 2008 йилдан бери энг юқори даражага кўтарилди - 4,6%, бу қарз қимматли қоғозларига бўлган талабнинг пасайишини англатади. Шу муносабат билан, фунт стерлинг кескин тушиб кетди ва савдолар жараёнида бир фунт учун 1,054 долларни ташкил этиб, тарихий минимал даражага тушди.

• Буюк Британия
• Liz Trass