Жорий йилнинг март ойида Самарқанд вилоятида 13 яшар бола оёғидан кишанланган ҳолда Damas русумли автомашина ичидан топилгани, болага нисбатан бундай тарздаги зўравонлик ҳолати мактаб ўқитувчиси томонидан содир этилгани маълум қилинган эди.

Самарқанд вилояти жиноят ишлари бўйича Пахтачи тумани судида юқорида қайд этилган ҳолат юзасидан суд мажлиси бўлиб ўтди. Унда болани оёғини занжир билан кишанлаб, машинада олиб кетганликда гумонланган Ҳ.Ш.га оид иш кўриб чиқилди.

Суд ҳукмига кўра, судланувчи Ҳ.Ш. ЖКнинг 110-моддаси 2-қисми “а” банди, 138-моддаси 2-қисми “а” банди билан айбли деб топилиб, 4 йилга озодликдан маҳрум қилиш жазоси тайинланди.

• Самарқанд