SpaceХ асосчиси Илон Маск ва Меta бош директори Марк Цукерберг ўртасидаги дуэл 𝕏 платформасида (аввалги Тwitter) жонли эфирда намойиш этилади.

Бу ҳақда ижтимоий тармоқ эгаси Илон Маск маълум қилди.

“Цукерберг ва Маск жанги 𝕏'да жонли эфирда намойиш этилади. Барча тушум фахрийларнинг хайрия ишларига йўналтирилади”, – деб ёзди миллиардер ижтимоий тармоғида.

Илон Маск ҳам турли жисмоний машқлар билан шуғулланиб жангга тайёрланаётганини айтди.

“Мен кун давомида жисмоний машқлар қиляпман. Машқ қилиш учун машғулот залига боришга вақтим йўқ, шунинг учун ускуналарни ишга олиб келаман”, – деди у.

• Ilon_Mask
• Цукерберг