Жаҳон соғлиқни сақлаш ташкилоти маълумотларига кўра, Маймун чечак вирусининг хавфли 1б штамми Италия, Малайзия, Нидерландия, Португалия, Испания ва АҚШда аниқланган.

Жаҳон соғлиқни сақлаш ташкилоти (ЖССТ)нинг маълум қилишича, сўнгги ойларда бир қатор мамлакатларда Маймун чечак вирусининг янги — 1б штаммига оид ҳолатлар қайд этилган. Улар орасида Италия, Малайзия, Нидерландия, Португалия, Испания ва АҚШ каби давлатлар бор. Энг ташвишлиси, вирус бу мамлакатларда яқинда саёҳат қилмаган фуқароларда ҳам аниқланган.

Ташкилотнинг сўнгги ҳисоботига кўра, вируснинг барча турлари ҳали ҳам айланмоқда ва уни тезда назоратга олиш зарур. Ташкилот “агар эпидемия тезлик билан чекланмаса, вирус тарқалиши давом этади”, дея огоҳлантирмоқда.

Ҳисоботда таъкидланишича, 1б штамми Африка ҳудудидан ташқарида ҳам кенгаймоқда.

• ЖССТ
• Maymunchechak
• Вирус