“Zakon.kz” нашрининг хабар беришича, Қозоғистон чегараси ва аэропортларида маймунчечак вируси (M-pox) туфайли назорат чоралари кучайтирилган.

Қозоғистон Республикаси соғлиқни сақлаш вазирлигига кўра, бугунги кунга қадар Қозоғистонда бирорта ҳам маймунчечакдан касалланиш ҳолати кузатилмаган. Шунга қарамай, мамлакатнинг санитария-карантин пунктларида кўрилган чора-тадбирлар касалликнинг кириб келиш хавфини камайтиради.

Ҳозирда қозоғистонликлардан қуйидаги эҳтиёт чораларини кўриш сўралмоқда:

– касал одамлар ва ёввойи ҳайвонлар билан алоқадан сақланиш;

– ҳайвонлар ёки уларнинг маҳсулотлари билан контактга киришганда ҳимоя кийимлари ва қўлқоплардан фойдаланиш;

– қўлларни мунтазам равишда ювиш ва дезинфексияловчи воситалардан фойдаланиш.

Шунингдек, касалланиш ҳолатлари қайд этилган мамлакатларга зарур бўлмаса бормаслик тавсия этилади.

Тошма, юқори ҳарорат ва бошқа белгилар пайдо бўлса, зудлик билан тиббий ёрдамга мурожаат қилиш лозим.

• Maymunchechak
• Қозоғистон