Мўғулистон ҳукумати истеъфога чиқмайди, лекин ислоҳотларга тайёр, деди бош вазир Лувсаннамсрейн Оюун-Эрдене мамлакатдаги оммавий норозиликларни изоҳлар экан.

Унга кўра, мамлакат Миллий хавфсизлик кенгашининг сўнгги йиғилишида ҳукумат истеъфоси ва парламентни тарқатиб юбориш мавзуси кўтарилмаган.

“Президент агар халқ уни қўллаб-қувватласа, тизимли ислоҳотларни қўллаб-қувватлашга тайёр эканлигини айтди”, — дея тушунтирди ҳукумат раҳбари.

Бош вазир сиёсий партиялар ва жамоат ташкилотлари раҳбарлари билан бўлиши мумкин бўлган ўзгаришлар мавзусини муҳокама қилиш ниятида эканини айтди.

Намойишчилар аввалроқ 20 га яқин талаб ва таклифларни, жумладан, сайлов тизимини ислоҳ қилиш бўйича ҳам ўртага ташлаган эди.

Оюун-Эрдене йирик кўмир ўғирланиши ортида турганлар Улан-Батордаги намойишлардан ўз мақсадлари учун фойдаланишга уринаётганига ишонч билдирди.

• Mo‘g‘uliston
• Намойиш