Мўғулистон пойтахти Улан-Баторда учинчи кундирки оммавий норозилик намойишлари бўлиб ўтмоқда.

Намойиш иштирокчилари мансабдор шахсларни коррупцияда ва Мўғулистон бюджети учун энг катта даромад манбаи бўлган кўмир етказиб бериш билан фирибгарликда айбламоқда.

Душанба куни(5-декабр) намойишчилар ҳукумат биносига бостириб киришга уринган, бироқ кейин ихтиёрий равишда шаҳарнинг марказий майдонини тарк этган.

Сешанба куни эса мамлакат парламенти вазият ва чиқишлар чоғида айтилган айбловларни муҳокама қилиш учун йиғилиш ўтказди.
Намойишга минглаб одамлар тўпланган, уларнинг аксарияти ёшлар ташкил қилади.

Шанба куни намойишчилар Мўғулистон президентининг расмий қароргоҳига яқинлашмоқчи бўлган, бироқ полиция уларнинг йўлини тўсиб қўйган.

Душанба куни акция қайта бошланди ва ҳуқуқ-тартибот идоралари билан тўқнашувларга айланиб кетди.

Совуққа қарамай (Улан-Батордаги ҳаво ҳарорати -21C га тушган), марказий майдонда бир неча минг намойишчилар йиғилди.
Маълумотларга кўра, намойишчилар майдонга олиб борувчи йўлларни тўсиб, муз шаҳарчасида ўрнатилган сомон арчасини ёқиб юборишга уринган.

• Осиё
• Хитой
• монголия