Кеча Москванинг Красногорск шаҳридаги "Крокус Сити Холл" биносида “Пикник” гуруҳининг консерти бўлиб ўтаётган вақтида номаълум шахслар отишма уюштирганди.
Дастлабки маълумотларга кўра, бинода ёнғин чиққан. Гувоҳнинг сўзларига кўра, номаълум шахслар консерт бошланишидан олдин залда ва зал ташқарисида автоматлардан ўқ узишни бошлаган.
Кейинчалик мажмуани қуюқ тутун қоплаган.
“The New York Times” ҳам масъулиятни ИШИД ўз зиммасига олгани ҳақида ёзмоқда.
Шунингдек, нашрнинг таъкидлашича, АҚШ расмийлари бу баёнотни ИШИДдан тасдиқлаган. Газетанинг ёзишича, Америка расмийлари март ойида Афғонистонда жойлашган “Исломий давлат-Хуросон” гуруҳи Москвада ҳужум уюштирмоқчи бўлгани ҳақида “разведка маълумотлари” тўплаган. Март ойида Федерал хавфсизлик хизмати Москвадаги синагогага ҳужум уюштиришни режалаштираётган “Вилоят Хуросон” террор ташкилоти аъзоларини йўқ қилгани ҳақида хабар берган эди.
Саудия Арабистонида жойлашган “Ал Арабия” телеканали ҳам ҳам Крокус ҳужуми учун жавобгарликни ИШИД ўз зиммасига олгани ҳақида хабар берди. Бироқ расмий Москва ва оммавий ахборот воситалари терактни ИШИД уюштиргани ҳақидаги маълумотларни тасдиқлаганича йўқ.
Украина Президенти девони раҳбари маслаҳатчиси Михаил Подоляк эса Украинанинг терактга алоқаси йўқлигини маълум қилган. Россия Тергов қўмитаси маълум қилишича, теракт оқибатида 60 дан ортиқ одам ҳалок бўлган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!