Руминия, ва айниқса, Трансилвания минтақаси узоқ вақтдан бери ўзининг эртакнамо жозибаси билан сайёҳлар ва романтикларни ўзига жалб қилиб келган. Мамлакатнинг ноёб атмосфера объектларидан бири бу – Лой қалъасидир. Бу ажойиб шаҳарча руминиялик Василе оиласининг саъй-ҳаракатлари туфайли пайдо бўлган. Бир кун эр-хотин сершовқин шаҳарни тарк этиб, гўзал табиат қўйнида яшашга қарор қилишган.

Ниҳоят, уларнинг орзулари амалга ошди. Эр-хотин Сибиу шаҳри яқинидан ер сотиб олиб, янги уйчалар қуришни бошлади. Эътиборлиси ишда фақат экологик тоза материаллар ишлатилган. Қалъанинг асоси лой ва қум, ёғоч ҳамда сомондан ташкил топган.

Бу уйчаларнинг тузилиш ноодатий нотекис контурларга эга. Дераза, эшикларидан тортиб плиткалар ва том тизмаларигача ҳамма нарса эртаклардаги гном ва троллар ҳақидаги тасаввурларни хаёлга келтиради.

Уйнинг атрофи ям-яшил майсазор билан ўралган, унинг атрофида гулзорлар мавжуд. Трансилваниянинг зич ўрмонлари димоғингизни тоза кислород билан тўлдиради.

Василе оиласи бу мажмуани 10 хонали эко-меҳмонхонага айлантиришни режалаштирган.

• Сайёҳ
• Туризм
• қизиқарли