Google шу ҳафтада компаниянинг Исроил ҳукумати билан шартномасига норозилик билдирган йигирмадан ортиқ ходимларини ишдан бўшатди, деб хабар беради “CNN”.

Ходимлар Googleнинг Нью-Йорк ва Саннивейлдаги (Калифорния) офисларида норозилик намойиши ўтказгани маълум бўлгач, ишдан бўшатилди. Намойишчилар “Фойда учун геноцид йўқ” ва “Биз Фаластин, Араб ва Мусулмон Google’чиларни қўллаб-қувватлаймиз” деган ёзувларни кўтардилар.

“Бир неча норозилик билдирган ходимлар бир нечта объектларимизга кириб, компания мулкини вайрон қилишди. Бошқа ходимларнинг ишига жисмоний тўсқинлик қилган. Уларнинг хатти-ҳаракатлари бизнинг сиёсатимизни очиқдан-очиқ бузиш ва мутлақо қабул қилиб бўлмайдиган хатти-ҳаракатлардир”, — деди Google вакили.

“Биз ҳозирда 28 ходимни ишдан бўшатишга олиб келган алоҳида текширувларимизни якунладик ва терговни давом эттирамиз ва керак бўлганда чоралар кўрамиз”, - дея қўшимча қилди у.

Google’нинг “No Tech for Apartheid” бўлими ходимлари 2021 йилдан бери илованинг Исроилга технология сотиш ҳақидаги келишувига норозилик билдириб келади. Хусусан, Google Исроил ва Amazon томонидан биргаликда ишлаб чиқилган Nimbus дастури (таҳр. булутли инфратузилма, давлат сектори ва ҳарбий маълумотларни булутга кўчиришга қаратилган кўп йиллик лойиҳа) бўйича кескинлик кучайган.

• Google