Наманганда қарийб 80 млн Россия рублини 300 АҚШ доллари эвазига Қирғизистонга ўтказмоқчи бўлган шахс қўлга олинди. Бу ҳақда ДХХ хабар берди.
Қайд этилишича, Давлат хавфсизлик хизматининг Наманган вилояти бўйича бошқармаси ходимлари томонидан рейд ўтказилган.
Унда Қирғизистоннинг Жалолобод вилояти Олабуқа тумани билан чегарадош бўлган Наманган вилоятининг Янгиқўрғон тумани ҳудудидан ўтувчи “ўзбек-қирғиз” давлат чегараси томон ҳаракатланаётган Lasetti русумли автомашина тўхтатилган.
Натижада 1990 йил Наманган вилоятида туғилган ушбу фуқаронинг салонидан 3 дона полиэтилен қопларга жойлаштирилган жами 79 миллион 994 минг 900 Россия рубли борлиги маълум бўлган.
Ҳозирда ҳолат юзасидан фуқарога нисбатан Жиноят Кодексининг 25, 182-моддаси 2-қисми “а” банди билан жиноят иши қўзғатилиб, қамоққа олиш тарзидаги эҳтиёт чораси қўлланилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!