Маълумотларга кўра, Тожикистон Ташқи ишлар вазирлиги ўз фуқароларига агар зарурат бўлмаса, Россия ҳудудига барча турдаги транспортларда саёҳат қилишдан вақтинча воз кечишни тавсия қилди. Тегишли баёнот вазирликнинг расмий сайтида эълон қилинди.

26 апрель куни Тожикистон Ташқи ишлар вазирлиги сайтида вазирликда Россия элчиси Сергей Григорев билан учрашув ўтказилгани ҳақида хабар эълон қилинган. Унда айтилишича, томонлар сўнгги бир неча ҳафта ичида Тожикистон фуқаролари Россия давлат чегарасини кесиб ўтишда дуч келган қийинчиликларни муҳокама қилган.

Шунингдек, Тожикистон томони тожик фуқароларининг Россияга киришини асоссиз рад этиш ҳолатлари кенг тарқалиб кетганидан хавотир билдирган.

• Россия
• Tashqi ishlar vazirligi
• Тожикистон