Аэронавтика ва космик тадқиқотлар миллий бошқармаси агентлиги (NASA) ва Оқ уй 2021 йил охиридан бери Халқаро космик станция учун фавқулодда вазиятлар режасини ишлаб чиқишни бошлади. Бу ҳақда аноним манбаларга таяниб, “Reuters” агентлиги хабар бермоқда.
Агентлик вакили билан суҳбатлашган мутахассис режада Россия лойиҳадан чиқишга қарор қилган тақдирда ХКСдан космонавтларни қайтариш йўллари бор. Бу, шунингдек, Роскосмос ускуналарисиз станцияни иш ҳолатида сақлаш усуллари ва уни кутилганидан бир неча йил олдин йўқ қилиш имкониятига ҳам тегишли.
“Reauters” хабарига кўра, NASA ва Оқ уй аввалроқ фавқулодда режалар мавжудлигини тан олган, бироқ уларнинг тафсилотларини очиқ муҳокама қилмаган. Агентликнинг таъкидлашича, сўнгги режани ишлаб чиқиш АҚШнинг Россия билан муносабатларида кескинлик кучайган бир пайтда бошланган.
Қўшма Штатлар Халқаро космик станцияни 2030 йилгача ишлатишни давом эттиришни кутмоқда ва бу борада музокаралар олиб бормоқда. Уларда Роскосмос ва станциянинг бошқа ҳамкорлари, жумладан Япония, Канада ва Европа космик агентлиги иштирок этмоқда.
Шунга қарамай, NASA ўзининг фавқулодда вазият режаси борлигини тасдиқламади. Шу билан бирга, агентлик доимий равишда ХКС учун янги имкониятлар излаётгани ва паст Ер орбитасидаги станцияга тижорат алтернативларига муаммосиз ўтишни режалаштираётганини маълум қилди. Бироқ Роскосмос вакиллари вазият юзасидан изоҳ бермаган.
Июль ойида Роскосмоснинг янги раҳбари Юрий Борисов Россия 2024 йилдан кейин ХКС лойиҳасидан чиқишини эълон қилган эди. Унинг сўзларига кўра, ушбу муддатдан кейин станцияда техник муаммолар пайдо бўлиши мумкин, уни сақлаш харажатлари улкан бўлади. Кейинроқ Роскосмос аниқлик киритишича, сана станциянинг техник ҳолатига қараб белгиланиши мумкин.
“Бу 2025, 2028 ёки 2030 йил бўлиши мумкин”, – деди Роскосмоснинг бошқариладиган дастурлар бўйича ижрочи директори Сергей Крикалёв.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!