Флоридалик IT-мутахассислар фирибгарлар масофадан туриб қувватлагични бузадиган ва қурилмани 280°C дан юқори ҳароратда қизитувчи электромагнит шовқин яратиши мумкинлигини аниқлади.

“VoltSchemer” деб номланган ҳужумнинг моҳияти шундаки, хакер қувватлагичнинг ишлашига таъсир қилувчи электромагнит шовқинларни яратиши мумкин. Бу унга смартфонга бериладиган кучланишни бошқариш ва ўзгартириш имконини беради.

Хакер ‘VoltSchemer”дан икки мақсадда фойдаланиши мумкин: овозли буйруқларни киритиш ёки смартфонни қизиб кетиши.

Биринчи ҳолда, у смартфонда овозли ёрдамчини фаоллаштириши ва уни турли хил ҳаракатларни, масалан, хабарлар юбориш, қўнғироқ қилиш, харид қилиш ва бошқа кўп нарсаларни бажариши мумкин.
Иккинчи ҳолда, у смартфонни шундай даражада қиздириши мумкинки, у ишламай қолиши ёки ҳатто портлаши мумкин.

Тадқиқотчилар симсиз қувватлагич қурилмаларнинг тўққизта машҳур моделида тажриба ўтказдилар ва барча қувватловчи қурилмаларда “VoltSchemer” учун заиф бўлган қурилма камчиликлари борлигини аниқладилар. Ўз даъволарини исботлаш учун тадқиқотчилар “Samsung Galaxy S8” смартфонини Целсий бўйича 352,4°C даражагача қиздиришди, бу “Qi” симсиз зарядлашнинг хавфсизлик чегарасидан сезиларли даражада ошиб кетади, яъни 280°C даража.

• Kompyuter
• xaker