Навоий давлат педагогика институти негизида Навоий давлат университети ташкил этилади. Бу ҳақда Президент қарорида келтириб ўтилган.

Энди Навоий давлат педагогика институтида таҳсил олаётган барча талабалар ўқишларини Университетда давом эттиради. Шунингдек, 2024-2025 ўқув йилидан битирувчи курс талабаларига Университет дипломи берилади.

Навоий давлат университетида 2025-2026 ўқув йилидан эҳтиёж юқори бўлган қуйидаги йўналишлар бўйича кадрлар тайёрлаш йўлга қўйилади:

— аниқ ва табиий фанлар; — ахборот технологиялари; — сунъий интеллект; — иқтисодиёт; — бизнес ва туризм; — инвестицияларни бошқариш; — қишлоқ хўжалиги; — экология ва атроф-муҳит муҳофазаси; — логистика.

Қайд этилишича, янги ташкил этилган таълим йўналишлари ва мутахассисликлар бўйича хорижий давлатлар ва республикадаги етакчи олий таълим ташкилотлари билан иккита диплом беришга асосланган қўшма таълим дастурлари йўлга қўйилади.

• Шавкат Мирзиёев