Навоий вилоятининг Томди туманида Бирлашган Араб Амирликларининг “Masdar” компанияси томонидан 500 МВт қувватли шамол электр станцияси барпо этилмоқда. Бу ҳақда Энергетика вазирлиги ахборот хизмати хабар берди.
Қайд этилишича, ушбу электр станциясининг дастлабки 100 МВт қуввати декабрь ойида ишга туширилган.
Шамол электр станцияси қисқа фурсатда:
➖ 31 млн 181 минг 715 кВт⋅соат электр энергияси ишлаб чиқарди;
➖ бунинг натижасида 9,4 млн кубометр газ тежалишига эришилди;
➖ атмосферага 13 минг тонна зарарли газлар чиқишининг олди олинди.
Маълумот учун, ушбу ҳажмдаги электр энергияси 155 минг 908 та хонадоннинг бир ойлик истеъмолини ташкил қилади.
Шунингдек, ушбу шамол электр станциясининг навбатдаги 200 МВт қуввати жорий йил якунига қадар ва 2025 йилда тўлиқ қувватда ишга туширилади.
Лойиҳа доирасида “Goldwind” компаниясининг (Хитой) 4,7 МВт қувватли турбиналари ўрнатилмоқда. Уларнинг баландлиги 97 метр, шамол парракларининг ҳар бири эса 77 метрни ташкил қилади. Бугунги кунга қадар 34 та шамол турбинаси ўрнатиб бўлинди.
Маълумот учун, ушбу йирик лойиҳа доирасида жами 111 та шамол турбинаси ўрнатилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!