Навоий вилояти Нурота туманида фуқаронинг 40 млн сўмини қўлга киритмоқчи бўлган товламачилар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш Департаментининг матбуот хизмати хабар берди.

Қайд этилишича, Бош прокуратура ҳузуридаги Департаментнинг Навоий вилоят бошқармаси томонидан ИИБ ходимлари билан ҳамкорликда тезкор тадбир ўтказилган. Ушбу жараён давомида, фуқаролар Д.М. ва бошқалар фуқаро Ҳ.Қ.нинг шаъни ва қадр-қимматига путур етказадиган видео ва фотосуратларини ижтимоий тармоқларда тарқатиш билан қўрқитиб, ундан 40 млн сўмни олган вақтларида ашёвий далиллар билан ушланган.

Мазкур ҳолат юзасидан Жиноят кодексининг 25, 165-моддаси (товламачилик) билан жиноят иши қўзғатилиб, тергов ҳаракатлари ўтказилмоқда.

• Departament
• Навоий