Навоий шаҳар Истеъмолчилар ҳуқуқларини ҳимоя қилиш жамиятига келиб тушган мурожаатлар ижобий ҳал этилди.

Қайд этилишича, 2021 йил 26 ноябрь куни Навоий шаҳар Истеъмолчилар ҳуқуқларини ҳимоя қилиш жамиятига Навоий шаҳри, Толстой кўчаси 38-уй, 20-хонадонда яшовчи фуқаро Хамза Эргашовнинг Навоий шаҳридаги «ГУЛОБОД» савдо мажмуасида жойлашган савдо дўконидан 5 млн. 032 минг сўмга сотиб олган «Smartfon Samsung А72 6/128Gb» русумли қўл телефони носоз чиққанидан норозилик билдириб, ушбу масалада амалий ёрдам сўраб мурожаат қилган.

Фуқаро мурожаати Навоий шаҳар жамиятининг мурожаатлар дафтарига рўйхатга олиниб, жамияти мутахассислари томонидан ўрганиб чиқилганда ҳақиқатдан ҳам қўл телефонида носозликлар борлиги кузатилган.

Шундан сўнг, савдо дўкони раҳбарига истеъмолчининг истеъмолчи сифатида ҳуқуқлари ҳамда Ўзбекистон Республикасининг «Истеъмолчиларнинг ҳуқуқларини ҳимоя қилиш тўғрисида»ги Қонуннинг тегишли моддалари юзасидан тушунчалар берилган

Натижада, истеъмолчига, носоз чиққан қўл телефони янгисига алмаштириб берилишида амалий ёрдам кўрсатилган.

Яна бир Навоийлик Истеъмолчи 2021 йил 10 ноябрь куни Ўзбекистон Истеъмолчилар ҳуқуқларини ҳимоя қилиш жамиятлари Федерациясининг 1091 ишонч рақамига Навоий шаҳар Баркамол авлод кўчаси 3-уй,15-хонадонда яшовчи фуқаро Фарҳод Бекпўлатовнинг оғзаки мурожаати қабул қилинган.

Фуқаро ўз мурожаатида Навоий шаҳрида жойлашган савдо дўконидан 5 млн. 500 минг сўмга муддатли тўлов асосида сотиб олган телевизор кафолат муддати ичида носоз чиққанидан норозилик билдириб ушбу масалада амалий ёрдам сўраган.

Фуқаро мурожаати Навоий шаҳар жамиятининг мурожаатлар дафтарига қайд қилиниб, жамият мутахассислари томонидан ўрганиб чиқилганда ҳақиқатдан ҳам телевизор носоз ҳолда эканлиги кузатилган.

Шундан сўнг, савдо дўкони сотувчисига истеъмолчининг истеъмолчи сифатида ҳуқуқлари ҳамда Ўзбекистон Республикасининг «Истеъмолчиларнинг ҳуқуқларини ҳимоя қилиш тўғрисида»ги Қонунининг тегишли моддалари юзасидан тушунчалар берилган.

Натижада, фуқарога телевизор учун тўлаган 5 млн. 500 минг сўм пул маблағи қайтарилишида ва муддатли тўлов асосидаги кредит шартномаси бекор қилинишида амалий ёрдам кўрсатилган.

• Истеъмолчи
• Навоий