Америка Қўшма Штатларида футбол бўйича клублар ўртасида жаҳон чемпионати бошланди. Унда жаҳоннинг 32 жамоаси ўзаро рақобатлашмоқда.

Турнирнинг очилиш учрашувида “А” гуруҳидан ўрин олган “Интер Маями” жамоаси ва “Ал Аҳли” клуби ўзаро рақобатлашди. Баҳс 0:0 ҳисобида якунланди ва жамоалар бир очкодан бўлишиб олди. Учрашувнинг 43-дақиқасида “Ал Аҳли” футболчиси Маҳмуд Трезеге пенальтидан фойдалана олмади.

Мусобақанинг бугунги кун учрашувлари рўйхатида “C” гуруҳида “Бавария” ва “Окленд Сити” баҳси ҳам ўрин олган. Учрашув Тошкент вақти билан соат 21:00 дастарт олади. Шунингдек, 16 июнь кунига ўтар кечаси соат 23:59 дан бошлаб бизни “Б” гуруҳида “ПСЖ” – “Атлетико Мадрид” ўртасидаги ажойиб ўйин кутиб турибди.

Мусобақада Илгиз Танташев бошчилигидаги ўзбекистонлик ҳакамлар бригадаси ҳам ишламоқда. 17 июнь куни бўлиб ўтадиган “Флуминенсе“ – “Боруссия Дортмунд” ўртасидаги учрашувда Илгиз Танташевга қанотларда Андрей Сапенко ва Тимур Гайнуллин ёрдам беради.

• АҚШ
• Футбол
• Жаҳон чемпионати
• Клублар ўртасида Жаҳон чемпионати