Навоий шаҳрида яшовчи қизнинг шахсий видео тасвирларни ижтимоий тармоқларда тарқатиб юбормоқчи бўлган товламачи ушланди. Бу ҳақда Бош прокуратура ҳузуридаги Иқтисодий жиноятларга қарши курашиш Департаментининг матбуот хизмати хабар берди.

Қайд этилишича, Бош прокуратура ҳузуридаги Департаментнинг Навоий вилоят бошқармаси томонида ИИБ ходимлари билан ҳамкорликда тезкор тадбир ўтказилган. Ушбу жараён давомида, фуқаро Х.Т. “С.С.” исмли қизнинг шахсий видео тасвирларни ижтимоий тармоқларда тарқатиб юбормаслик эвазига 3 млн сўм талаб қилиб олган вақтида ашёвий далиллар билан ушланган.

Мазкур ҳолат юзасидан Жиноят кодексининг 165-моддаси (товламачилик) билан жиноят иши қўзғатилиб, терговга тегишлилиги бўйича юборилган.

• Ижтимоий ҳимоя