Исроил Бош вазири Бинямин Нетаняху, XАМАС Ғазодаги асирларини озод қилмагунча, ўт очишни тўхтатишга яна бир бор рад жавобини берди, бироқ одамларнинг ҳаракатланиши ва ёрдам кўрсатиши учун "тактик кичик паузалар"га очиқлигини билдирди. “Ғазода гаровга олинганларни озод қилмасдан туриб, ҳеч қандай сулҳ, умумий ўт очишни тўхтатиш бўлмайди”, деди Нетаняху душанба куни ABC News телеканалига берган интервьюсида.

Шунингдек, Нетаняху гуманитар ёрдамларни ўтказиш эвазига гаровга олинганларни озод қилинишини айтган. Шу томонлама келишув бўлиши мумкин, бироқ умумий сулҳ бўлмаслигини очиқ билдирган. Исроил расмийларининг айтишича, камида 1405 киши, асосан тинч аҳоли ҳалок бўлган.

Исроилнинг энг яқин иттифоқчиси бўлган Қўшма Штатлар Нетаняхуни анклавга ёрдам бериш учун "гуманитар паузалар"га рози бўлишга мажбур қилди, аммо Исроил раҳбарининг тўлиқ ўт очишни тўхтатишга қаршилигини қўллаб-қувватлади. Соғлиқни сақлаш вазирлиги маълумотларига кўра, бир ой давом этган уруш давомида Ғазода камида 10 022 фаластинлик, жумладан, 4 100 дан ортиқ болалар ҳалок бўлган.

Нетаняху Исроил урушдан кейин Ғазо хавфсизлигини бошқаришини таклиф қилди. "Менимча, Исроил номаълум муддатга ... умумий хавфсизлик масъулиятини ўз зиммасига олади, чунки биз хавфсизлик масъулиятига эга бўлмаганда ХAMACнинг нима қилганини кўрдик", деган Нетаняху.

• Битим
• Фаластин
• Isroil
• Уруш