Исроил бош вазири БМТ Бош котиби Антониу Гутерришдан БМТнинг Ливандаги вақтинчалик кучлари (UNIFIL)ни зудлик билан хавфсиз жойга олиб кетишни талаб қилди.

“Жаноб Бош котиб, UNIFIL кучларини хавф зонасидан олиб ташланг. Буни дарҳол, зудлик билан қилиш керак”.

Эслатиб ўтамиз, Исроилнинг сўнгги кунларда берган зарбалари натижасида БМТ тинчликпарвар кучларининг бир қанча аскарлари жароҳатланган. Ўз навбатида, UNIFIL бу ҳафта Исроил армиясини ўз ходимларини “қасддан” нишонга олганликда айблади.

“Сизнинг UNIFIL аскарларини эвакуация қилишдан бош тортишингиз уларни “Ҳизбуллоҳ” учун тирик қалқонга айлантиради”, – дея қўшимча қилди Нетаняху.

• БМТ
• Binyamin Netanyaxu