Шу кунларда шахмат бўйича «Meltwater Champions Chess Tour» онлайн мусобақаси ўтказилмоқда.
Мукофот жамғармаси 150 000 АҚШ долларини ташкил этувчи ушбу нуфузли турнирда жаҳоннинг рейтинги баланд гроссмейстерлари ғолиблик йўлида дона суряпти.
Юлдуз шахматчилар қаторида ҳамюртимиз Нодирбек Абдусатторов ҳам баҳсларда иштирок этяпти.
Тезкор шахмат бўйича жаҳоннинг энг ёш ва шу билан бирга амалдаги чемпиони ҳисобланган Нодирбек кеча ўтказилган 4 та партиянинг 3 тасида кучли рақиблари билан муроса йўлини танлади ва 9-турда турнирдаги иккинчи мағлубиятини Швециялик Нилс Гранделиусдан қабул қилиб олди.
Эътиборлиси, Абдусатторов 11-турда амалдаги жаҳон тожи соҳиби, норвегиялик Магнус Карлсен билан рўбарў келди ва Жаҳон чемпионлари 84-юришдан сўнг дурангга рози бўлишди.
Шу тариқа, бу сафар ҳам Карлсен Нодирбекни мағлуб эта олмади. Шахматчиларнинг бундан аввалги учрашуви жаҳон чемпионати доирасида ўтказилган бўлиб, ўшанда Абдусатторов тарихий ғалабага эришган эди.
Кеча шахматчимиз 10-турда АҚШ вакили Даниел Народиский, 12-турда полшалик Ян-Кшиштоф Дуда билан дурангга имзо чекди.
Нодирбек 5 ғалаба, 5 дуранг ва 2 мағлубият билан 20 очко жамғарган ҳолда турнир жадвалида 6-ўринни эгаллаб турибди.
Турнир жадвалида Дуда 25 очко билан якка пешқадам бўлиб олди. Озарбайжонлик Шахрияр Мамадяров 23 очко билан иккинчи ўринни эгаллаган. Гукеш, Эригайси ва Магнус Карлсен ҳисобида 21 тадан очко бор.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!