Фарғонада 20 ёшли ўғил оилавий келишмовчилик сабаб ўз онасини пичоқлаб ўлдирди. Бу ҳақда "zamon" информацион дастурида хабар қилинди. 

Маълум қилинишича, Фарғона вилояти Марғилон шаҳар "Дўстлик" маҳалласида яшовчи фуқаро A.Р. пичоқ билан онасининг елка қисмига қасддан уриб, унинг ўлимига сабабчи бўлган. Йигит сал аввал ота, марҳума эса буви бўлган эди.

“Ўша куни марҳума ва келин ўртасида келишмовчилик юз берган. Фуқаро A.Р. оиласини бу жанжаллардан ташқарига олиб чиқиб кетаман деган мақсадда кўч-кўронини кўтармоқчи бўлган. Бизга ушбу оилада жанжал бўлаётганини хабар қилишди. Хотин-қизлар фаоли, профилактика нозири билан кириб бораётганимизда шу ҳолат юз берди”, — дейди маҳалла раиси.

Судланувчи илгари тайинланган 12 йиллик қамоқ жазосидан норози бўлиб, вояга етмаган фарзанди ва икки нафар укаси борлиги, отасини эса касал деб, апеллация тартибида шикоят киритган. Фарғона вилояти суд апелляцияси инстанциясида маҳкумнинг шикояти кўриб чиқилиб, суд ҳукми ўзгаришсиз  қолдирилган.

• Фарғона
• Жиноят