Жанубий Кореянинг BTS гуруҳи ва хонанда Билли Айлишнинг қўшиқлари уйқусизликка қарши кураш ёрдам беради. Даниянинг Орхусс университети олимлари ўтказилган тадқиқотлар натижасида мана шундай хулосага келдилар.

Олимлар мусиқий композицияларнинг қайсилари осонроқ уҳлашга ёрдам беришини ўрганиш мақсадида кенг кўламли тадқиқот ўтказишган. Унда 225 мингта трекнинг инсон миясига таъсири ўрганилган. Тадқиқот якунида эса BTS гуруҳининг “Dynamite”, хонанда Билли Айлишнинг “Lovely” қўшиқлари тезроқ уҳлаб қолишга ёрдам бериши исботланган.

Олимларнинг айтишларича, инсон мияси уйқу олдидан севимли мусиқа садолари остида тинчланади. Уҳлашдан аввал тинчланиш учун классик мусиқа эшитиш шарт эмас, қўшиқ инсонга таниш бўлса кифоя. Шунда уйқусизликдан азият чекаётган одам мияси трекни таҳлил қилиш учун ортиқча қувват сарф этмайди. Ҳаёллар нари чекинади ва одам осонликча уйқуга кетади.

• Шоу-бизнес
• машҳурлар
• қизиқарли
• тадқиқот