Бугун тест синовлари республикамиздаги 73 та катта сиғимли ёпиқ бинода бошланди.

Шу муносабат билан Олий таълим, фан ва инновациялар вазири Қўнғиротбой Шарипов пойтахтда тест имтиҳонлари ўтказилаётган ҳудудларда бўлиб, тест жараёнларини кузатди.

Шунингдек, имтиҳон топшираётган абитуриентларнинг яқинлари учун ташкил этилган кутиш жойида вазир ота-оналар билан суҳбатлашиб, уларнинг тест синовларининг ташкилий жиҳатларига муносабатлари ҳақида фикрлари билан танишиб чиқди.

Суҳбат давомида кузатувчилар мажмуада салқин жойлар, фарзандларини имтиҳон жараёнида онлайн кузатиб боришлари учун катта мониторлар ўрнатилгани ва волонтёрлар хизматидан мамнунликларини билдиришди.

Маълумот ўрнида, бу йил 805 минг нафардан зиёд абитуриент тестларда иштирок этиши кутилмоқда. Имтиҳонлар 25 июлгача давом этади.

• Имтиҳон
• ОТМ
• Oliy ta'lim, fan va innovatsiyalar vazirligi