ЖССТнинг маълум қилишича, кейинги ойларда қатор давлатларда «Omicron» штаммининг ХBB.1.5 субварианти кенг тарқалмоқда. У ҳозиргача бизга маълум мутациялар орасида энг юқувчани сифатида баҳоланяпти.

Шу сабабли Жаҳон соғлиқни сақлаш ташкилоти экспертлари хасталик ҳадемай Ер юзи бўйича доминант версияга айланиб, беморлар сони кескин ошиши мумкинлигидан ташвишда.

ЖССТ мутахассислари хулосасига кўра, «кракен» деб номланган ХBB.1.5 субвариантининг ўтган йилдагига нисбатан табиати бирмунча ўзгарган.

Ҳозирча уни юқтирганлар орасида оғир асоратлар кузатилмаётган бўлсада, аммо бу мутацияга хос янги аломатлар пайдо бўлаётгани бироз хавотирли ҳол.

Келтирилишича, кўнгил айниши ва бел оғриғи каби белгилар бош оғриғи, диарея, иситма, титроқ, чарчоқ, шунингдек, таъм ва ҳид билиш қобилияти йўқолиши каби симптомлар билан бирга кечмоқда.

Шу боис ЖССТ вакиллари аҳоли вакилларига бустер дозада эмланишни тавсия қилмоқда.

Мавзуга доир: Ҳозир “omicron” штаммининг 600 дан ортиқ субвариантлари мавжуд – ЖССТ

• ЖССТ
• Омикрон
• SSV
• коронавирус